su paperi de is populus soberanus

Su Paperi de su Populu Soberanu.

Nosus bieus su mundu cun is ogus de is antigus Sardus, cun su spiritu de is valorosus shardana, sa terra nosta esti particolari, unica, unica esti sa genti nosta, chi non andada guvernada, ma sighida, e arrispettada, cumenti sceti nosus scieus.

Seus kontrarius a dogna forma de guvernu globali, economicu e politicu, a dogna forma de appiattimentu kulturali, e accorpamentus mondialistas tra populus e natzionis. 

Seus po' mantenni sa paricolaridadi de is nostas originis.

Seus po' sa naturali evolutzioni de dogna territoriu, kena interventus esternus, alloghendu e valorizzendu dogna possibilidadi chi podinti esprimi, non importada kantu tempus serbidi, seus po' sa naturalidadi de is eventus.

Seusu po' uniri sa natzioni sarda, ma puru po' da governai dividia in medas territorius, chi anta a fai unidadi a sa natzioni sarda. 

Ki adessi tzerriau a rapresentai su populu, adessi iscerau non cun eletzionis, ma de sa sotti. 

Seus po' sa naturali rotazioni de is responsabilidadis, nisciunu politico de professioni depidi esisti.

S'ada a donai meda attenzioni a sa evolutzioni naturali de is pipius e picioccus, kena fortzaduras, in modu de imparai che su pregiu prus mannu chi unu cristianu depidi tenni est s'onori. 

Sa scola depidi essi finalizzada a sa promotzioni umana de dogna studenti, non obeus po' forza genti chi scidi, ma genti chi arrexonidi, is materias prus importanti antessi sa logica e sa limba sarda, po' mantenni unidadi natzionali de su populu.

Antessi favoridas produzionis agricolas e artigianalis, in amistade kun sa natura, a discapitu de produzionis massivas industrialis, finalizadas a su consumismu.

Seus contrarius a dogna forma de accentramentu culturali, seus po' su scambiu liberu de cosas e ideas, in modu de superai concettus definibilis de destra o de sinistra, po' nosus esistidi scetti su beni de su populu, s'unica gherra ammittia e favorida esti cussa kontras poderis elitarius fetentis e kontras a kini oidi sottomitti sa genti.

Antessi kumbatius preconcettus e egoismus, chi rallentanta su naturali progressiu. 

Antessi kumbattias logicas de svilimentu de su traballu, su traballu andada intendiu cumenti a promotzioni umana, e non solu cumenti a mezzu po' procurai abbisongius. 

Nisciuna meccanitzazioni injustificada depidi esisti, totus depinti traballai, tottus si depinti rendi utilis a sa comunidadi. Nisciuna negatzioni o favori in meritu a ideas e religionis, s'individu depidi podi iscerai in libertadi manna, in su arrispetu de sa spiritualidadi de dogniunu.
Kini ada a tenni unu projettu validu, depidi essi postu me in is mellus konditzionis po' du podi realizzai, non obeus mai prusu intendi is fueddus, non c'est dinai, non si podidi fai, sa natzioni depidi consentiri sa circolatzioni abbondanti de sa moneta soberana de propriedadi de su populu. 
Esti raccumandada sa tutela de dogna forma de originalidadi e kreatividadi, estru e penzamentus innovativus, sa ricerca de noas formas de futuru umanisticu, in amistade kun sa natura, e kun totu sa terra.
:Marianu-Abisi.

https://jolao77.blogspot.com/2015/01/separatismo.html